راديو السويد يرصد ردود فعل الجالية العربية في السويد حول منع “الخمور” في مونديال قطر !

بعد إعلان الاتحاد الدولي لكرة القدم فيفا أن المشروبات الكحولية لن تباع في الملاعب الثمانية التي تقام عليها مباريات كأس العالم 2022 والتي تجري أطوارها في قطر لغاية 18 من ديسمبر. اختلفت الآراء بخصوص هذا القرار، وفي العاصمة ستوكهولم يتابع عدد من المشجعين مباريات المونديال في المطاعم والمقاهي، لكن لكل واحد منهم وجهة نظره بخصوص منع المشروبات الكحولية.

جومانا، لا أنا برأيي أنه أي إنسان بيجي علي أي بلد يحترم قوانين البلد، بس بنفس الوقت، يا هل ترى المونديال الجاي راح يلتزموا كمان هم إذا أميركا منعت الحجاب أو منعت النقاب أو شيء راح يلتزموا؟ إذا التزموا معناها حقهم هم كمان يفرضوا قوانين البلد المضيف، لازم يفرض قوانينه وقولوا يا ضيفكن أديب، لما بكون الواحد رايح على بلد المفروض يلتزم بالمكان اللي هو رايح عليه. بس بالمقابل لازم هو لما ينزل يروح ثانية كمان يحترم القوانين.

وتقول ” شيماء” قوانين البلد لازم نلتزم فيها مثل ما نحن بنيجي لهون في السويد ونلتزم بالقوانين الموجودة هون، واللي بده يروح لهونيك في قطر  لازم يلتزم بالقوانين الموجودة في قطر ، كل الناس عندها عادات وتقاليد مختلفة ،  ،    مثل ما نحن أجينا لهون عم نحترم القوانين هن كمان لازم لما يروحوا لهونيك يحترموا القوانين.

مريم، أنا مع أنه الواحد يحترم قوانين البلد اللي رايح لها ،  لكن لازم يكون نفس الشيء من البلدان العربية لتيجي عالدول الغربية، لأنه هن بدهن أنه يحترموا القوانين تبعها، بس هن لما عم يجوا لهون ما عم يحترموا قوانين الدولة اللي عم يجوا لإلها. من منظوري أنا يعني أحس أنه الإنسان لازم يحترم العادات والتقاليد تبع البلد اللي هو رايح لها، بس ما عم بحس أنه الأشخاص اللي عم تيجي من برا للدول الأوروبية عم يعملوا نفس الشيء، هلا هن بدهن نحترم قوانين بس ما عم بحس أنه في عم يعملوا المثل يعني.
أنا اسمي نايف هي مباراة إذا ما شربوا ما في يعني العالم يفرجهن ما يشوفون شيء….